Çay bütün dünyada məşhur bir içki olmaqla yanaşı, insan sağlamlığına müxtəlif müsbət təsirləri ilə tanınan bir içkidir. Xüsusilə yaşıl çay və qara çayın saysız-hesabsız faydaları var.
Çay ürək xəstəliklərinin qarşısını alır
Qara çayda olan yüksək miqdarda flavonollar, taflavinlər ürək xəstələrində koronar arteriya disfunksiyasının bərpasına kömək edir. İfliç, ateroskleroz və digər ürək-damar xəstəliklərinə səbəb ola biləcək qan damarlarının anormal fəaliyyətini də aradan qaldırır.
Çay xərçəng riskini azaldır
Çayda olan polifenollar güclü sərbəst radikal təmizləyici hesab edilir. Bu da çay istehlakı zamanı xərçəng hüceyrələri ilə mübarizədə aktivlik göstərir, şişin yaranmasına maneə törətdiyi görülmüşdür.
Çay diabet riskini azaldır
Qara çaydakı əsas bioaktiv birləşmələr polifenollardır, bunun sayəsində uzun müddətli çay istehlakı qanda qlükoza səviyyəsinin aşağı olmasını tənzimləyir.
Çay həzmə kömək edir
Çay həzmi asanlaşdırmağa kömək edir. Bulantıdan ishala qədər bir sıra problemləri müalicə edir. Çay tərkibindəki taninlər bağırsaq iltihabını azaldır.
Çay zehni sağlamlığı dəstəkləyir
Mütəmadi çay istehlakı, nevroloji xəstəlik riskinin aşağı olması və stres səviyyəsinin aşağı düşməsi ilə əlaqələndirilmişdir. Çay çətin bir gündən sonra rahatlamağınıza kömək edə biləcək təbii sakitləşdiricidir.
Çay enerjini artırır
Qara çaydakı kofein qan dövranına kömək edir və beyin funksiyalarını gücləndirir. Maddələr mübadiləsi, tənəffüs sistemini, ürək və böyrək funksiyalarını stimullaşdırır.
Çay antibakterial təsirə malikdir
Çay polifenolları antibakterial aktivliyi ilə tanınır. Tədqiqatlar göstərir ki, qara çay Helicobacter pylori infeksiyası riskini azaldır.
Çay ağız sağlamlığını yaxşılaşdırır
Gündəlik şəkərsiz bir fincan çay, ağızda iltihabı azalda bilər, diş çürüməsinin qarşısını alır və bakteriya artımını dayandırır.
